【Post76】Logitech MX Anywhere 3 叫得 Master系列一定有D料到!!

小瑟本身已經有一隻 MX Master 3 同 MX VERTICAL, 而自己多用的多數都係 MX Master 3, 所以都好清楚 Logitech 上叫得 Master系列的 MX 版本產品, 一定係有買貴, 冇買錯的. 今次同大家開箱細睇的就係搵來周秀娜、花式溜冰運動員馬曉晴及插畫家Wingki Kwok拍左一個廣告的 Logitech MX Anywhere 3. 見到佢個廣告三個女仔都係用佢做工作. 即係主攻女性市場啦!? 原來又未必, 因為細睇之下, 原來佢既功能非常多, 只係顏色多(珍珠白、石墨灰、玫瑰粉色), 尺寸比較細, 岩哂大家隨身帶埋佢出去工作. 唔好講咁多, 即時開箱睇下呢隻 Logitech MX Anywhere 3 既內涵先!!

用上全新改造滾輪 MagSpeed 電磁捲動, 擁有足夠的精確度。

MX Anywhere 3 都支出多作業系統, 搭配 Windows、Mac作業系統。

叫得 MX 系列, 功能同操控絕對係工作配件中的頂級. 一定係「有買貴冇買錯!」。

方便出街使用   設計成任何表面皆可使用!

MX Anywhere 3 擁有非常多勁抽功能, 針對機動靈活工作而設計, 從 Office到 WFH, 去到大家 Coffer Shop做野, 都非常輕巧. 而且用上全新改造滾輪 MagSpeed  電磁捲動, 擁有足夠的精確度, 每次都以像素級精確度, 停係你想要既正確位置, 而且速度非常快, 1 秒可以捲動 1,000 行, 同小瑟平時用開 MX Master 3 一樣, 果然係旗艦級數, 雖然細隻左咁多, 但竟然都可以擁有 MX Master 3 的技術. 小瑟用過之後, 的確係有 MX Master 3 一樣的精確同順手, 雖然有時真係會快到自己都唔知自己去左邊, 但佢都同 MX Master 3 一樣, 有二段不同捲動方式比大家選擇. 唔怕大家會唔習慣, 相信對於成日要大量使用捲動的朋友一定非常爽朗呢. 而且仲非常安靜呀. 而 MX Anywhere 3 仲可以係好多不同的平面上使用, 好似玻璃表面呢D平時冇咩可能用到的地方都可以用到, 果然係 Mouse 界的老大哥呀!

一開箱, 白色的 MX Anywhere 3 真係又靚仔, 仲要好流線型呢!!!

Unifying 係可以比 Logitech 的用家一隻手指KEY控哂多件產品, 絕對好用!!

MX Anywhere 3 的 MagSpeed 速度非常快, 1 秒可以捲動 1,000 行, 跟 MX Master 3 一樣, 但就輕巧好多呢。

叫得 MX系, 一定係充電式的啦!

透過應用程式自訂功能非常貼心

用得 MX 系列的 Mouse 小瑟絕對建議大家去返 Logitech 裝返個應用程式, 為你用開的工具做返個個別設定, MX Anywhere 3 可針對大家日常使用的每個應用程式自訂功能, 等大家做野時可以更順手。支援的程式都唔少的, 如 Adobe Photoshop、Adobe Premiere Pro、Final Cut Pro、Google Chrome、Safari、當然唔小得 Microsoft Word、Excel同 PowerPoint 啦。而且 MX Anywhere 3 都支出多作業系統, 搭配 Windows、Mac作業系統使用都沒問題呢。基本上同你見到既所有制都可以作自家安排呢。

除左不同按鈕可有不同功能. 仲可以設定成不同程式有不同用法, 包你用唔哂佢D功能呀!

呢個細部設定, 好過 Windows 10 內果個1000倍啦!XDDD

依家一個人幾部機好嫻事啦….佢仲支援比你 Mouse 可以走來走去用. 小瑟就未用過, 你又話我知有冇用丫!!

Conclusion:「隻 MX Anywhere 3 已經比就讀中一的囡囡佔有了!!」

用上左 MX Master 3 之後, 小瑟其實都好驚自己用慣左反應又快, 精準度又高的 Mouse , 之後用返比較平價的 Mouse 會唔習慣. 但係 Logitech 既Mouse 同 Keyboard 有樣野好, 就算係比較入門D既型號都好, 其實都有非常唔錯的反應的. 不過如果要用到好似 MX 系列的 MagSpeed 電磁滾輪, 就真係用到高階型號先可以享受到呢. 而一直以來如果要出街用 Notebook 時, 就算用外置 Mouse 都好難用到好似係 Studio 做野時的感覺同效果. 依家呢隻 MX Anywhere 3 就可以滿足到手仔細細的女仔(依家小瑟隻 MX Anywhere 3 已經比就讀中一囡囡佔有了!!🤪), 又可以比一眾成日在 Starbucks 做野的朋友仔就算係一個環境比較惡劣的地方, 咩平面都好, 都可以暢快地做野啦. 官方定價就 $799一隻, 不過小瑟知道出街都會有D平D既入手價, 大家如果入手左又不妨話我知入左幾錢, 睇下你平定我平丫~🤣🤣🤣🤣🤣🤣